बाजुरामा करेन्ट लागेर दुई खच्चडको मृत्यु भएको छ।

जिल्लाको बडिमालिका नगरपालिका -७ खडुकामा कोल्टी जाँदै गरेका दुई खच्चर करेन्ट लागेर मरेका हुन्।

सदरमुकाम मार्तडीबाट कोल्टी सामान ढुवानी गरी जाने क्रममा बडिमालिका नगरपालिका -२ का मीन बहादुर चन्दका २ खच्चर मरेका बताइएको छ।

बुधबार रातिको अविरल वर्षासंगै गएको पहिरोले ५ ओटा पोलहरु ढालेको र सो बारे थाहा नभएको विद्युत प्राधिकरणले जनाएको छ।