सुदूरपश्चिम प्रदेशमा लगातार पाँचौ दिन पनि कोरोना संक्रमितको मृत्युदर शुन्य रहेको छ । असार ९ गते कोरोनाबाट एक जनाको मृत्यु भएकोमा त्यसयता कसैको पनि कोरोनाबाट ज्यान गएको छैन ।

स्वास्थ्य निर्देशनालय दिपायलले पछिल्लो २४ घण्टामा प्रदेशमा कसैको पनि कोरोनाबाट मृत्यु नभएको तथ्याङ्क  सार्वजनिक गरेको छ ।

प्रदेशमा सोमबार ८३ कोरोना संक्रमित थपिएका छन । पछिल्लो २४ घण्टामा पिसिआर बिधिबाट २७ र एन्टीजेन बिधिबाट ५६ जनामा संक्रमण पुष्टि भएको हो ।पछिल्लो २४ घण्टामा पिसिआर बिधिबाट १ सय ९ र एन्टीजेन बिधिबाट ९ सय २९ गरी १ हजार ३८ नमूनाको कोरोना परिक्षण गरिएको सुदूरपश्चिम स्वास्थ्य निर्देशनालय डोटीले जनाएको छ ।

थपिएका संक्रमित संगै प्रदेशमा कुल संक्रमितको संख्या ४३ हजार ५ सय ७४ पुगेको छ । जसमध्ये ३४ हजार ८ सय १८ जनाले कोरोना जितेका छन । निर्देशनालयका अनुसार सोमबार २३ कोरोना संक्रमित निको भएका छन ।प्रदेशमा हालसम्म ५ सय ७० कोरोना संक्रमितले ज्यान गुमाएका छन ।