कैलालीमा चोरीपैठारीको लत्ताकपडासहित दुई जना पक्राउ परेका छन् । कैलारी गाउँपालिका २ बसौतीबाट सशस्त्र प्रहरीले झण्डै १ लाख १ हजार रुपैयाँ बराबरको चोरीपैठारीको लत्ताकपडासहित दुई जनालाई पक्राउ गरेको हो ।
        
पक्राउ पर्नेहरुमा सोही जिल्लाको कैलारी गाउँपालिका २ बस्ने ३६ वर्षीय मायालु चौधरी र सोही गाउँपालिका ३ बस्ने ३६ वर्षिय खुशिराम चौधरी छन् । भारतबाट अवैध रुपले दुई वटा साईकलमा राखेर नेपालतर्फ ल्याउँदै गरेको उक्त लत्ताकपडासहित उनीहरुलाई सशस्त्र प्रहरी बल नेपाल नम्बर ३४ गण
कैलालीबाट खटिएको सशस्त्र प्रहरीले पक्राउ गरेको हो ।

पक्राउ परेका दुवै जनालाई बरामद लत्ताकपडा तथा साईकलसहित आवश्यक कारबाहीको लागि भन्सार कार्यालय कैलालीमा बुझाइएको छ ।

Edit Ad