डडेल्धुरामा घरायसी विवाद हुँदा नातीले आफैं हजुरआमाको हत्या गरेका छन् । गन्यापधुरा गाउँपालिका–२ कुवरगाँउका २४ वर्षीय रोशनराज गिरीले आफ्नै ७३ वर्षीया हजुरआमा राधादेवी गिरीको हत्या गरेका हुन । रोशनराजले धान कुट्ने काठ (मुसल) ले टाउकोमा हिर्काएर हजुर आमालाई घाईते बनाएका थिए ।

घाइते गिरीलाई उपचारको लागि लैजाने क्रममा घटनास्थलभन्दा केही पर मृत्यु भएको जिल्ला प्रहरी कार्यालय डडेल्धुराले जनाएको छ । घटनामा संलग्न मृतकका नाति रोशनराज गिरीलाई अमरगढी नगरपालिका –११ फिन्नेकोट स्थित लिटिरगाउँको जंगलबाट पक्राउ गरिएको प्रहरी नायव उपरिक्षक दधिराम न्यौपानेले बताए ।

घटनामा संलग्न युवकलाई हिरासतमा राखिएको र आवश्यक अनुसन्धान गरी कानुनी प्रक्रिया अगाडी बढाईएको प्रहरीले जनाएको छ ।