कैलालीमा ट्रकको ठक्करबाट एक पैदल यात्रीको मृत्यु भएपछि पुर्व-पश्चिम राजमार्ग अबरुद्ध गरिएको छ ।

पुर्वबाट पश्चिमतर्फ आईरहेको उदयपुर हर्जेनी गाँउपालिका ३ बस्ने ३८ बर्षका टेकराज खत्रीले चलाएको ग १ ख ६४४१ नम्बरको ट्रकले गौरिगंगा नगरपालिका ४ का ४० बर्षका मानसिहँ गुर्धामीलाई ठक्कर दिदाँ उनको घटना स्थलमै ज्यान गएको हो ।

अहिले ट्रक चालकलाई आवश्यक कारबाही गर्नुपर्ने र मृतकका परिवारले उचित क्षतिपुर्ती पाउनुपर्ने भन्दै स्थानीयले राजमार्ग अबरुद्ध गरेको सुदूरपश्चिम प्रदेश ट्राफिक प्रहरी कार्यालय अत्तरियाका प्रवक्ता प्रहरी निरिक्षक गणेशराज उप्रेतीले जानकारी दिए ।