कैलालीको भजनी नगरपालिका वडा नम्बर ५ मा रहेको हिमालयन युवा क्लबको आयोजनामा रक्तदान कार्यक्रम आयोजना गरिएको छ ।

भजनी नगरपालिका वडा नम्बर ५ मा रहेको क्लबको आयोजनामा रक्तदान कार्यक्रम आयोजना भएको हो । रक्तदान जीवनदान भन्ने नारा सहित भएको रक्तदान कार्यक्रममा ४४ जनाले रक्तदान गरेका छन् ।

कैलालीमा बाढीको कहर रहेका वेला रगतको अभाव हुन सक्ने भन्दै क्लबले रक्तदान कार्यक्रम आयोजना गरेको हो । क्लबका अध्यक्ष सुरेश हमालको अध्यक्षतामा भएको कार्यक्रमका प्रमुख अतिथि भजनी नगरपालिका वडा नम्बर ५ का वडाध्यक्ष केशव बुढा रहेका थिए ।

स्थानीय वासिन्दाहरुले पनि रक्तदान गरेको कार्यक्रमको सञ्चालन क्लबका सल्लाहकार कृष्ण बुढाले गरेका थिए ।