महिला हिंसा विरुद्धको अभियान 'प्रहार' को आयोजनामा सात दिने आत्मरक्षा प्रशिक्षक प्रशिक्षण तालिम धनगढीमा सुरु भएको छ । तालिमको एक कार्यक्रमका बिच सुदूरपश्चिम प्रदेशका उपसभामुख निर्मला बडाल जोशीले उद्घाटन गरिन् । 

महिला हिसांजन्य घटना न्यनिकरणका लागि प्रहारले विभिन्न ठाउँमा तालिम दिदैं आएको छ । सोही अनुसार मंगलबारबाट सुदूरपशिचम प्रदेशका २१ वटा स्थानीय तहका ४५ जना महिला तथा पुरुष प्रशिक्षकहरुको सहभागिता रहेको महिला हिसां विरुद्धको अभियान प्रहार का संस्थापक प्रकाश चन्दले जानकारी दिए ।

तालिमको मुख्य सहयोगीका रुपमा प्रदेश युवा परिषद्, सुदूरपश्चिम प्रदेश, भेन्यु पार्टनर कैलाली उद्योग वाणिज्य संघ, प्राविधिक सहयोग राष्ट्रिय गोजुरियो कराँते–दो संघ नेपालको रहेको छ । तालिम एक हप्तासम्म सञ्चालन हुने 'प्रहार' संस्थाका संस्थापक चन्दले बताए ।

कार्यक्रमका विशिष्ट अतिथि सुदुरपशिम प्रदेश खेलकुद परिषदका सदस्य तथा नेपाल राष्ट्रिय तथा अन्तर्राष्ट्रिय खेलाडी संघ कैलाली कि अध्यक्ष दुर्गा भण्डारी, सुदुरपशिम प्रदेश खेलकुद परिषदका सदस्य बहादुर सिंह ओड र राष्ट्रिय गोजुरियो कराते दो संघ सुदुरपशिम प्रदेशका सचिब राजेन्द्रबहादुर बम रहेका थिए ।