भारतमा हुने चोरीमा नेपालीहरुको संग्लनता हुन थालेपछि भारतीय नागरिक नेपाल प्रहरीलाई गुहार्न थालेका छन् । भारतमा हुने चोरीका घटनामा सुदूरपश्चिमका दर्जनौ गिरोह सक्रिय भएपछि भारतीय नागरिक खोजीका लागि नेपाल प्रहरीलाई गुहार्न थालेका हुन् ।
चार महिना अघि दिल्लीको सब्जीमण्डीमा भएको चोरीमा कैलालीका चार जना संग्लन रहेको भन्दै खोजीका लािग कैलाली प्रहरीलाई गुहारिएको छ । पीडितले दिल्लीमा पनि ठाडो निवेदन दिएका थिए भने कैलाली प्रहरीलाई समेत पत्र पठाउँदै खोजीका लागि आग्रह गरिएको छ ।
पीडितका अनुुसार सो चोरीमा कैलालीको गौरीगंगा नगरपालिकाका चार जना संग्लन रहेका छन । उनीहरुले ३५ लाख भारतीय रुपैँया र अन्य गहना सहित करोड बढीको चोरी भएको गुनासो गरेका छन । चोरीमा संग्लन मध्ये दुई जनालाई कैलाली प्रहरीले पक्राउ गरेकोमा उनीहरु छुटिसकेका छन् ।
उनीहरुबाट चोरीको अधिकासं सामान र नगद भने बरामद हुन नसकेको कैलाली प्रहरीले जनाएको छ । जिल्ला प्रहरी कार्यालय कैलालीका प्रहरी उपरिक्षक अनुपम शमशेर जवराले लकडाउन यता भने भारतमा चोरीमा संग्लन कोही पक्राउ नपरेको बताए ।
सम्बन्धित वर्गका समाचारहरू
