डोटीको बडीकेदार गाउँपालिकामा मिनिट्रक दुर्घटना हुँदा दुई जनाको मृत्यु भएको छ । गाउँपालिको वडा नम्बर ३ सुनालेकमा से १ ख १२६२ नम्बरको मिनि ट्रक दुर्घटनामा परि सोही ठाउँका बुवा छोराको मृत्यु भएको हो ।

मृत्यु हुनेमा ४० बर्षीय डबल पुन मगर र उनका १३ बर्षीय छोरा धिरज रहेको जिल्ला प्रहरी कार्यालय डोटीले जनाएको छ । ट्रक चालक श्यामलाल चौधरी फरार रहेका छन् ।
घागलबाट धनगढी आउँदै गरेको मिनि ट्रक सोमबार सुनालेक नजिक दुर्घटना भएको हो ।

पानी परेर बाटो चिप्लो भएका कारण गाडी दुर्घटना हुँदा ट्रक सडकबाट एक सय मिटर तल खसेको छ । ट्रकमा सवार अन्य हाम फालेर बाँच्न सफल भएका छन् ।