अविरल वर्षापछि आएको बाढी र पहिरोका कारण चार दिनदेखि अवरुद्ध डडेल्धुरा–डोटी जोड्ने सडक सञ्चालनमा आउन थप केही दिन लाग्ने भएको छ ।

डडेल्धुरा–डोटी जोड्ने केआईसिंह राजमार्गका बिभिन्न ठाउँमा बाढी र पहिरोले पु¥याएको क्षति तत्काल मर्मत संभार गर्न संभव नभएका कारण उक्त मार्ग सञ्चालनमा आउन थप केही दिन लाग्ने जिल्ला प्रशासन कार्यालय डडेल्धुुराले जनाएको छ ।

डडेल्धुराको अमरगढी नगरपालिका ११ रडुवाखोला गजरौला सडक खण्डको झण्डै सय मिटर जति भाग पहिरोमा बगेकोले तत्काल डडेल्धुरा–डोटी जोड्ने सडक सञ्चालनमा आउन कठिनाई भएको हो ।

केआईसिंह राजमार्गका अन्य भागमा आएको पहिरो हटाउने प्रयास जारी छ । डडेल्धुराका प्रमुख जिल्ला अधिकारी मोहन जोशीले केआईसिंह राजमार्ग सञ्चालनमा आउन थप केही दिन लाग्ने बताए ।