सुदूरपश्चिम प्रदेशको आज बोलाइएको मन्त्रिपरिषद् बैठक स्थगित भएको छ ।

सत्तापक्षका (एकीकृत समाजवादी पाटी) संसदीय दलका नेता तथा मन्त्रिपरिषद् सदस्य दीर्घ सोडारी अनुपस्थित हुने भएपछि बैठक स्थगित गरिएको हो ।

आज २ बजे बोलाइएको बैठक स्थगित गरी भोलि १२ बजेका लागि आह्वान गरिएको प्रदेश सरकारी प्रवक्ता तथा आन्तरिक मामिला तथा कानुन मन्त्री पूर्णा जोशीले बताइन् ।

‘महत्त्वपूर्ण एजेन्डामा भरसक सबैको उपस्थिति हुनु आवश्यक हुन्छ’, मन्त्री जोशीले भनिन्, ‘दलका नेता सोडारीको पूर्वनिर्धारित अर्को महत्त्वपूर्ण कार्यक्रम परेको रहेछ । त्यसैले सो बैठक सारिएको हो ।’