टिकापुरमा चक्कु प्रहार गरी युवकको हत्या गरेको आरोपमा ८ जना पक्राउ परेका छन् भने १ फरार रहेका छन । जिल्लाको लम्कीचुहा नगरपालिका -१ का २२ वर्षीय भुपेन्द्र बडुवालको हत्या गरेको आरोपमा प्रहरीले ८ जनालाई पक्राउ गरेको जिल्ला प्रहरी कार्यालय कैलालीका प्रहरी नायब उपरीक्षक प्रतीक बिष्टले बताए।

चक्कु प्रहार गर्ने लम्की चुहा नगरपालिका वडा न।३,का आर्यन देवकोटासहित ८ जनालाई पक्राउ गरिएको डिएसपी बिष्टले जानकारी दिए। उनका अनुसार दुई समूहबीच झडप हुँदा घटना घटेको हो। घटनाबारे सुदूरपश्चिम प्रदेश प्रहरी, जिल्ला र इलाका प्रहरी कार्यालय टीकापुरको संयुक्त टोलीले अनुसन्धान गरिरहेको छ।