रोटरी क्लब अफ धनगढीले सेती प्रादेशिक अस्पताललाई वाटर प्युरिफायर (फिल्टर) र वाटर डिस्पेन्सर उपलब्ध गराएको छ । सेती प्रादेशिक अस्पताल अन्तर्गत संचालित अस्थायी कोरोना अस्पतालका बिरामीहरुको लागी सहजता होस भन्नका लागी उक्त सामाग्री हस्तान्तरण गरेको क्लबका अध्यक्ष हरिशंकर ठाकुरले बताए ।

उनले कोरोना अस्पतालमा रहेको कोरोना संक्रमित बिरामीलाई शुद्ध र तातोपानी उपलब्ध गराउन करिब ७७ हजार रुपैया बराबरको उक्त सामाग्री हस्तान्तरण गरिएको बताए । अस्पतालका प्रमुख मेसु डाक्टर हेमराज पाण्डेयले उक्त फिल्टर र तातोपानीले कोरोना बिरामीलाई सहज हुने बताए ।

अहिले अस्थायी कोरोना अस्पतालमा २० जना कोरोना संक्रमितको उपचार भैरहेको छ ।