देशका धेरै ठाउँको वायु प्रदूषण बढेको छ । धनगढी, विराटनगर, सिमरा, कीर्तिपुर, रत्नपार्क र पोखरामा वायु प्रदूषण निकै बढेको छ ।

धनगढीको १ सय ५४ एक्यूआई, सिमराको प्रदूषण १ सय ९६ एक्यूआई, विराटनगरको १ सय ८१, कीर्तिपुरको १ सय ५६ र रत्नपार्कका १ सय ५७ सम्म पुगेको त्यहाँ रहेका स्टेसनहरुले देखाएका छन् । यो विश्व स्वास्थ्य सङ्गठनले भनेको स्वस्थ वायुको मापदण्डभन्दा निक्कै धेरै हो ।

सङ्गठनका अनुसार स्वस्थ एक्यूआई ५० भन्दा तल हुनुपर्छ । नेपाल सरकारले भने त्यसलाई एक सयभन्दा तल निर्धारण गरेको छ । एक्यूआई २ सयभन्दा धेरै भएमा स्वास्थ्यका लागि अति जोखिमपूर्ण मानिन्छ ।