कञ्चनपुरमा लागुऔषधसहित तीन जना पक्राउ परेका छन्। कैलालीको धनगढी उपमहानगरपालिका वडा नम्बर १ का रोहित पार्की, गोदावरी नगरपालिकाको मालाखेती बस्ने आशिष भाट र गोदावरी नगरपालिका ओलानी बस्ने निरज बडैलालाई पक्राउ गरिएको हो।

३० वटा ट्यावलेट, तीन थान मोबाइल र १४ सय रुपैयाँसहित उनीहरुलाई पक्राउ गरिएको सशस्त्र प्रहरी बल नम्बर ३५ गण हेडक्वाटर शैलेश्वरीले जनाएको छ। बोर्डर आउट पोष्ट पुर्नवासबाट खटिएको गस्ती टोलीले उनीहरुलाई कञ्चनपुरको पुनर्वास नगरपालिका–६ मिलनबजार सीमा इलाकाबाट पक्राउ गरिएको हो।

तीन जनालाई कानूनी कारबाहीका लागि इलाका प्रहरी कार्यालय त्रिभुवनबस्तीमा बुझाइएको छ।