धनगढी स्थित सेती प्रादेशिक अस्पतालको प्रयोगशालामा एकैदिन १६६ जना कोरोना संक्रमित थपिएका छन् । पछिल्लो २४ घण्टामा २६३ नमूनाको कोरोना परिक्षण गर्दा १६६ संक्रमित थपिएका हुन् । पछिल्लो केही दिन यता सेतीमा कोरोना संक्रमितको संख्या बढ्दै गएको छ भने संक्रमण दर पनि उकालो लागेको छ । 

अस्पतालका सूचना अधिकारी दिलिप कुमार श्रेष्ठका अनुसार पछिल्लो २४ घण्टामा ४ कोरोना संक्रमित अस्पताल भर्ना भएका छन भने ४जना अस्पतालबाट डिस्चार्ज भएका छन् । हाल सेतीमा १८ कोरोना संक्रमित उपचाररत रहेका छन् । जसमध्ये २ जनाको आइसियुमा उपचार भइरहेको छ ।