धनगढी उपमहानगरपालिका वडा नम्बर १ मा राष्ट्रिय प्रजातन्त्र पार्टी (राप्रपा) का वडाध्यक्षका उम्मेदवार काँग्रेसमा प्रवेश गरेका छन् । 

वडा नम्बर १ का राप्रपाका तर्फबाट वडाध्यक्षका उम्मेदवार बिष्णुराज जोशीले शुक्रबार प्रेस विज्ञप्ती जारी गर्दै आफूले उम्मेदवारी फिर्ता लिएर काँग्रेसमा समाहित भएको बताएका छन् । 

विज्ञप्तीमा उनले भनेका छन्– म बिष्णु राज जोशीले उक्त उम्मेदवारी फिर्ता लिई राष्ट्रिय प्रजातन्त्र पार्टी परित्याग गरि नेपाली काँग्रेसमा समाहित भएको यसै प्रेस विज्ञप्ती मार्फत घोषणा गर्दछु । 

विज्ञप्तीमा जोशीले काँग्रेसबाट धनगढी उपमहानगरपालिका वडा नम्बर १ बाट उम्मेदवारी दिएका काँग्रेसका वडाअध्यक्ष तथा सदस्यहरु एवं पाँच दलीय गठबन्धनका नगर प्रमुख तथा उपप्रमुख पदका उम्मेदवारहरुलाई मतदान गरी विजयी गराउन अनुरोध गरेका छन् । 
  
 

Edit Ad