कैलालीको धनगढीमा एक युवकमाथि पत्रकारले कुटपिट गरेका छन् । ‘ग्यालेक्सी फोर के’ टेलिभिजनमा कार्यरत पत्रकार योगेन्द्र भण्डारीको समूहले आफूलाई निर्घात कुटपिट गरेको भन्दै पीडित आदित्य जोशीले आरोप लगाएका छन् ।

धनगढी उपमहानगरपालिका ५ बस्ने २४ वर्षीया पीडित जोशीले धनगढी २ स्थित फारवेष्ट जिम सेन्टरको माथि लगेर आफूमाथि भण्डारीको समूहले हातपात गरेको आरोप लगाएका छन् । उनले उक्त ४ जनाको समूहले फलामको रड र हतियार प्रहार गरेको बताए ।

कुटिएको भनिएका पीडित जोशी निवेदन दिन जिल्ला प्रहरी कार्यालय कैलाली पुगेका छन् । उनी निवेदन लिएर आएको र घटना बारेमा सोधपुछ भइरहेको जिल्ला प्रहरी कार्यालय कैलालीका प्रहरी नायब उपरीक्षक वेदप्रकाश जोशीले जानकारी दिए ।

यस सम्बन्धमा टेलिभिजन पत्रकार योगेन्द्र भण्डारीसँग बुझ्दा उनले घटना भएको स्विकार गरेका छन् ।

Edit Ad