डोटीमा एक सुत्केरी महिलाको हेलिकप्टरबाट उद्धार गरिएको छ।  जिल्लाको बडिकेदार गाउँपालिका  वडा नम्बर ५ दुर्गम गाउँ  बस्ने अमृता देवी घर्ती मगरलाई हेलिकप्टरबाट उद्धार गरिएको हो ।

तीन दिन देखि बच्चा जन्माउन नसकेकी मगरलाई   पर्यटन मन्त्री प्रेम आलेका स्वकीय सचिव भक्त बहादुर साउद र सुदूरपश्चिम सरकारका पुर्वकानुन मन्त्री पूर्णा जोशीको सहयोगमा नेपाली सेनाको हेलिकप्टरबाट सुर्खेत स्थित कर्णाली प्रादेशिक अस्पतालमा लगिएको हो ।  

सुर्खेतस्थित कर्णाली प्रादेशिक अस्पतालमा सफल उपचारपछि अहिले नवजात शिशु र अमृताको स्वास्थ्य अवस्था सामान्य रहेको नेकपा माओवादी केन्द्रका युवा नेता तथा समाजसेवी तेजबहादुर डुम्रेलले जानकारी दिए ।