धनगढी-  कैलालीको कैलारी गाउँपालिका वडा नम्बर ७ छटकपुर बसन्ता गाउँ डुबान परेको छ । गयरातीदेखि परेको वर्षाले कटैनी नदीमा बाढी आउँदा सो बस्ती डुवानमा परेको हो ।

बाढीले छटकपुर बसन्ताको ५० बढी घरमा बाढी पसेको गाउँपालिकाका प्रवक्ता तथा वडा नम्बर ७ का वडा अध्यक्ष दीपेन्द्र बमले जानकारी दिए ।

त्यसैसरि बाढीले बर्का बसन्ता, भुँइयाँफाँटा र रामपुर गाउँका केही घर डुबानमा परेको छ । बाढीले वडा कार्यालय जाने बाटो पनि डुबाएको छ । उता कान्द्रा नदीमा आएको बाढीले भजनी नगरपालिकाका विभिन्न गाउँ डुबानमा परेका जनाइएको छ ।

तस्विर: विकास रत्गैंया