धनगढी- धनगढीमा लागुऔषधसहित एक युवक पक्राउ परेका छन्। धनगढी उपमहानगरपालिका-१ पुष्पलाल चोक बस्ने २४ वर्षीय विशाल थापालाई लागुऔषध ब्राउन सुगरसहित पक्राउ गरिएको प्रहरीले बताएको छ।

बझाङको छविस पाथिभरा गाउँपालिका- ४ घर भएका उनी धनगढीमा डेरा गरी बस्दै आएका छन्। उनको साथमा मंगलबार राति ७ ग्राम २६० मिलिग्राम ब्राउन सुगर फेला परेको जिल्ला प्रहरी कार्यालय कैलालीले जनाएको छ।

उनलाई नियन्त्रणमा लिई थप अनुसन्धान भइरहेको बताइएको छ।