टीकापुर– कैलालीको टीकापुर नगरपालिका–२, कोठारपुरमा मोटरसाइकलको ठक्करबाट साइकलयात्रीको मृत्यु भएको छ । एक युवती गम्भीर घाइते भएकी छन् ।

टीकापुर–२, विजयनगरका ७० वर्षीय भोकारी थारुको मृत्यु भएको हो । ठक्करबाट गम्भीर घाइते भएका उनको उपचारका क्रममा टीकापुर अस्पतालमा मृत्यु भएको जनाइएको छ । घाइते भएकी मोटरसाइकलमा पछाडि सवार स्थानीय १८ वर्षीया आस्मा चौधरीको सोही अस्पतालमा उपचार भइरहेको छ ।

शनिबार बेलुका करिब पौने ७ बजे से६प ३१८१ नम्बरको मोटरसाइकलले थारु सवार साइकललाई ठक्कर दिएर पल्टिएको थियो । मोटरसाइकल चालकलाई इलाका प्रहरी कार्यालय टीकापुरले नियन्त्रणमा लिएको छ ।