चितवनको भरतपुरमा उपचाररत कोरोना संक्रमण देखिएका कैलालीका एक पुरुषको अवस्था जटिल भएको छ । दुई दिन अगाडी क्यान्सरको उपचारका लागि भरतपुर स्थित चितवन मेडिकल कलेजमा भर्ना भएका कैलाली गोदावरी नगरपालिका ७ का ५० बर्षका पुरुषको अवस्था जटिल  बनेको हो ।

उनलाई उपचारका लागि मेडिकल कलेजबाट भरतपुर अस्पतालमा लगिएको भरतपुर अस्पतालले जनाएको छ । बिरामीलाई कोरोना संक्रमण देखिएपछि भरतपुर अस्पतालमा ल्याइएको र थप उपचार सुरु गरिएको भएपनि फोक्सोको क्यान्सर लगायतको रोग समेत रहेकाले अवस्था जटिल देखिएको उपचारमा संग्लन डाक्टर प्रमोद पौडेलले बताए ।

बिरामीको अवस्था जटिल भएपछि उनका आफन्तहरुले घर लैजानका लागि अनुरोध गरेको अस्पतालका पवक्ता लिलाधर पौडेलले बताए ।