नेपाल राष्ट्रिय तथा अन्तराष्ट्रिय खेलाडी संघ कैलालीले शुक्रबार सरसफाई कार्यक्रमको आयोजना गरेको छ । संघले धनगढीमा रहेको सुदूरपश्चिम प्रदेश क्षेत्रीय रंगशाला भित्रको सरसफाई गरेको हो ।

लामो समय सम्म उक्त रंगशालामा खुलकुद गतिविध नहुदाँ फोहोर हुदैँ गएको थियो । रंगशाला फोहोर हुन थालेपछि शुक्रबार सरसफाई गरिएको संघका अध्यक्ष प्रकाश चन्दले जानकारी दिए । उनले नेपाल प्रहरी, सशस्त्र प्रहरी, खेलाडी र संघका पदाधिकारी लगायतका व्यक्तिहरुको सहभागितामा सरसफाई गरिएको बताए ।

बर्षा लागे सँगै खेलमैदानमा समेत झारपात लगायतका विरुवाहरु उम्रिएर फोहोर देखिन थालेपछि सरसफाई गरिएको अध्यक्ष चन्दको भनाई छ । 

संघले लकडाउनको समयमा दैनिक छाकटार्न समस्यामा परेका खेलाडीहरुको  परिवारलाई समेत राहत वितरण गरेका थिए । विभिन्न जिल्ला तथा ठाउँमा पुगेर खेलाडीहरुलाई लकडाउनको अवधिमा खाद्यान्न वितरण गरिएको हो ।