भारतसंग सीमा जोडिएका बैतडीको झुलाघाट नाका आजबाट तीन दिन बन्द हुने भएको छ । प्रतिनिधि र प्रदेश सभा निर्वाचनलाई स्वतन्त्र, निष्पक्ष, शान्तिपूर्ण एवं भयरहित बतावरणमा सम्पन्न गर्नका लागि आज राती १२ बजे देखी सीमा नाका तीन दिन बन्द हुने जिल्ला प्रशासन कार्यालय बैतडीले जनाएको छ ।
आज राती १२ बजे देखि मंसिर ४ गते राती १२ बजे सम्म झुलाघाट नाका बन्द रहने प्रशासन कार्यालयका सूचना अधिकारी खगेन्द्र भारतीले बताए । अन्तर्राष्ट्रिय नियम अनुसार नै चुनावको समयमा सीमा नाका बन्द गर्ने गरिएको उनले बताए । चुनावको अवधिमा पूर्ण रुपमा आवतजावत बन्द गरिने उनले बताए । निर्वाचनलाई स्वच्छ र भयरहित वातावरणमा सम्पन्न गर्न भारतसँग सीमा जोडिएको बैतडीमा सुरक्षा व्यवस्था कडा पारिएको छ ।
मंसिर ४ मा हुने प्रतिनिधिसभा तथा प्रदेशसभा निर्वाचन सुरक्षालाई मध्यनजर गरी बैतडीमा सुरक्षा व्यवस्था कडा पारिएको छ । अन्तर्राष्ट्रिय सिमानामा सशस्त्र प्रहरीले गस्ती बढाएको छ भने जिल्लामा २५ सय सुरक्षाकर्मी निर्वाचन स्थलहरुमा खटाइएका बताइएको छ ।
सम्बन्धित वर्गका समाचारहरू
