बैतडीमा चुनावको सुरक्षा तयारी पूरा भएको छ । भोलि हुने प्रतिनिधिसभा र प्रदेशसभा सदस्य चुनावलाई भयरहित वातावरणमा सम्पन्न गर्न सम्पूर्ण सुरक्षा तयारी पूरा भएको जिल्ला प्रहरी कार्यालय बैतडीका प्रहरी निरीक्षक प्रहरी प्रवक्ता लोक राज जोशीले बताए ।
आइतबार हुने निर्वाचानका लागि सबै मतदान केन्द्रमा सुरक्षा व्यवस्ता कडा पारिएको उनले बताए । निर्वाचनको सुरक्षाका लागि नेपाल प्रहरी, सशस्त्र प्रहरी, नेपाली सेना र म्यादी प्रहरीसहितको सुरक्षा टोली खटिएको प्रहरी प्रवक्ता जोशीले बताए । केन्द्रिय सुरक्षा योजना बमोजिम जिल्ला सुरक्षा योजना तर्जुमा गरेर सबै मतदान केन्द्रमा सुरक्षा योजना चुस्त पारिएको बैतडीका प्रमुख जिल्ला अधिकारी सुरेश पन्थी बताए ।
निर्वाचनको सुरक्षाका लागि बैतडीमा करिब दुइ हजार सुरक्षाकर्मी परिचालन भएका बताइएको छ ।निर्वाचनको सुरक्षाका लागि सुरक्षाकर्मी मतदान केन्दमा पुगि सकेका बैतडीका प्रहरी प्रमुख प्रहरी नायब उपरिक्षक प्रेम बहादुर शाहीले बताए । सुरक्षा व्यवस्था कडा पारिएको भन्दै उनले निर्धक्क भएर मतदान गर्न बैतडीबासीलाई आग्रह गरेका छन् ।
निर्वाचनको सुरक्षाका लागि प्रहरी २४ सै घण्टा खटिएको उनको भनाई छ । यस्तै निर्वाचनलाई ध्यानमा राखेर झुलाघाट नाका पनि बन्द गरिएको छ । बिहीवार राती देखि भारत संग सीमा जोडिएको बैतडीको झुलाघाट नाका बन्द गरिएको हो । निर्वाचन अवधि भर सीमानाकाबाट आवागमन बन्द गरिएको छ । बैतडीमा २ सय १० ओटा मतदान केन्द्रहरु छन् भने एक अस्थायी मतदान केन्द्र रहेको छ ।
जिल्लामा प्रतिनिधि सभा तर्फ एक र प्रदेश सभा सदस्य तर्फ २ गरि ३ सिटका लागि भोलि निर्वाचन हुँदै छ । जिल्लामा १ लाख ५० हजार १ सय ५६ मतदाता छन् ।
सम्बन्धित वर्गका समाचारहरू
