बैतडीमा स्कारपियोले ठक्कर दिँदा एक महिला घाइते भएकी छिन्। जिल्लाको दोगडाकेदार गाउँपालिका ५ की ६८ वर्षीया धुरी ठगुन्नालाई शुक्रबार दिउँसो १ः३० बजेतिर स्कारपियोले ठक्कर दिएको हो।

दार्चुलाबाट धनगढी आइरहेको भे १ च २९५१ नम्बरको स्कारपियोले पैदल यात्री ठगुन्नालाई दोगडाकेदार गाउँपालिका ५ दोलीमा बाटो काट्ने क्रममा ठक्कर दिएको जिल्ला प्रहरी कार्यालय बैतडीले जनाएको छ। घाइते ठगुन्नाको देब्रे खुट्टा भाचिएको र टाउकोमा चोट लागेकाले उपचारका लागि धनगढी पठाइएको प्रहरीले जनाएको छ।

Edit Ad