डडेल्धुरा प्रहरीले बलात्कार गरेको आरोपमा एक युवकलाई पक्राउ गरेको छ । अजयमेरु गाउँपालिका –२ बसनाका मीनबहादुर साँकीलाई पक्राउ गरेको प्रहरीले जनाएको छ । उनीमाथि अमरगढी नगरपालिका–४ भलियाकी एक स्थानीय महिलालाई जबरजस्ती करणी गरेको आरोप लागेको छ ।  

जबरजस्ती करणी गरेको जाहेरीको आधारमा साँकीलाई पक्राउ गरिएको जिल्ला प्रहरी कार्यालय डडेल्धुराकाका प्रहरी नायव उपरीक्षक दधिराम न्यौपानेले बताए । पक्राउ परेका साँकीमाथि जिल्ला अदालत डडेल्धुराबाट १० दिनको म्याद थप गरी अनुसन्धान भइरहेको डिएसपी न्यौपानेले बताए ।