धनगढी उपमहानगरपालिका वडा नम्बर १३ कैलाली गाउँमा आरसीसी मोटरेबल पुल निर्माण शिलान्यास गरिएको छ । कैलाली क्षेत्र नम्बर ५ का प्रतिनिधि सभा सदस्य डिल्लीराज  पन्तले मंगलबार बिहान एक समारोहकाबिच पुलको शिलन्यास गरेका हुन् ।

पुल निर्माण कार्य सम्पन्न भएमा स्थानियवासीलाई आवतजावत गर्न सहज हुने उनको भनाई छ । उनले तोकिएको समयमा निर्माण कार्य सम्पन्न गर्न निर्माण कम्पनिसंग अनुरोध गरे । उनले गुणस्तरमा पनि ध्यान दिन जरूरी रहेको बताए ।

चार करोड नौ लाख ५५ हजार आठ सय ७६ लागतमा निर्माण हुन लागेको पुलको ठेक्का सम्झौता मणिलेक आँसु जेभीसंग भएको छ । पुस ११ गते ठेक्का सम्झौता भएको सो पुलको निर्माण कार्य २०८१ साल असार १५ गतेभित्र सम्पन्न गरिसक्नुपर्ने छ ।