कञ्चनपुरमा कर्तव्य ज्यान मुद्दाका फरार व्यक्ति १७ वर्षपछि पक्राउ परेका छन्  ।

जिल्लाको भीमदत्त नगरपालिका–१४ बनकट्टी बस्ने ५८ वर्षीय हर्कबहादुर  ऐडीलाई बुधबार पक्राउ गरिएको जिल्ला प्रहरी कार्यालय कञ्चनपुरले जानकारी दिएको छ ।

जिल्ला प्रहरी कार्यालयका प्रवक्ता प्रहरी नायब उपरीक्षक प्रकाश डाँगीका अनुसार २०६२ सालको भदौमा करेन्ट लागेर मृत्यु भएको घटनामा ऐडीले कर्तव्य ज्यान गरेको जिल्ला अदालतले ठहर गरेको थियो ।

घटना भएको दिनदेखि फरार रहेका उनलाई प्रहरीले पक्राउ गरी थप अनुसन्धान भइरहेको जनाएको छ।