कैलाली - कैलालीमा जिपको ठक्करबाट गम्भिर घाईते भएका एक जनाको मृत्यु भएको छ। कैलालीको गोदावरी नगरपालिका –४ खैरेनामा पुर्बबाट पश्चिमतर्फ जाँदै गरेको से ३ प ८९२५ नम्बरको मोटरसाईकललाई प्रदेश ३ को ०१–०२४ च ५१४८ नम्बरको जिपले गत बिहीबार ठक्कर दिएको थियो।

जिपको ठक्करबाट मोटरसाईकल चालक डोटी शिखर नगरपालिका-९ का ३५ वर्षका राजेन्द्र सिंह खड्काको छाती र मुखमा गम्भिर चोट लागेको थियो। उपचारका लागि धनगढी स्थित मायामेट्रो अस्पतालमा भर्ना गरिएका खड्काको उपचारकै क्रममा गयराती २ बजे मृत्यु भएको प्रहरीले जनाएको छ। जिप चालक कैलाली गोदावरी नगरपालिकाका ४२ वर्षका झलक ऐडीलाई प्रहरीले नियन्त्रणमा लिई थप अनुसन्धान गरिरहेको छ।

Edit Ad