कञ्चनपुरको कृष्णपुर नगरपालिकामा हात्तीको बथानले तीन घर भत्काएको छ। कञ्चनपुरको कृष्णपुर नगरपालिका–४ मा गयराति आएको जंगली हात्तीको बथानले तीन वटा घरमा क्षति पुगाएको हो। कञ्चनपुरको कृष्णपुर नगरपालिका वडा नम्बर ४ का वडा अध्यक्ष धर्म बहादुर सिँहले हात्तीको बथानले स्थानीय श्यानु चौधरी, गोपाल चौधरी र जयराज चौधरीको घर भत्काएको बताए।

उनले जंगली हात्ती गाँउ पसेर तीन घरमा क्षति गरेको र पन्ध्र परिवारको धानबालीमा समेत हात्तीले नोक्सानी गरेको बताए। हात्तीले घर भत्काएपछि स्थानीय त्रसित बनेका छन। हात्तीबाट पीडितलाई राहत एव आवश्यक सहयोगका लागि क्षतिको विवरण संकलन गरिरहेको कृष्णपुर नगरपालिकाले जनाएको छ । कञ्चनपुरमा जंगली हात्तीले क्षति पुर्याउँदै आएको छ।

Edit Ad