जिल्ला प्रहरी कार्यालय कैलालीले स्वीप अप्रेशन चलाएको छ । घरेलु मदिरा उत्पादन तथा बिक्री वितरण रोक्ने उद्देश्यले सञ्चालित स्वीप अप्रेशन अन्तर्गत मंगलवार साँझ सवा पाँच बजे धनगढी उपमहानगरपालिका  २ मा खटिएको प्रहरीको टोलीले अढाई हजार लिटर घरेलु रक्सी र रक्सी बनाउन प्रयोग हुने कच्चा पदार्थ र भाडाकुडा समेत बरामद गरेको छ । बरामद गरिएको रक्सी नष्ट गरिएको छ ।

जिल्ला प्रहरी कार्यालय कैलालीको प्रहरी निरीक्षक सन्तोष बस्यालको नेतृत्वमा खटिएको १५ जना प्रहरीको टोलीले अबैध रुपमा बनाईएको घरेलु रक्सी र भाडाकुडा बरामद गरेको हो ।