कैलालीको धनगढीस्थीत फूलबारीमा अटो र मोटरसाइकल एक आपसमा ठोक्किएर दुर्घटना भएको छ।

धनगढी उपमहानगरपालिका वडा नम्बर १४ बहुलियामा मङ्गलवार अटो र मोटरसाइकल आपसमा ठोकिएर दुर्घटना भएको प्रहरीले जनाएको छ। जिल्ला प्रहरी कार्यालय, कैलालीका अनुसार कैलारी गाउँपालिका वडा नम्बर ९ का सञ्जु चौधरीले चलाएको से २ प २५७१ नम्बरको मोटरसाइकल र धनगढी उपमहानगरपालिका वडा नम्बर १८ का अमर विकले चलाएको सुदूरपश्चिम प्रदेश ०२–००१ ह १८३१ नम्बरको अटो ठोकिएका हुन्।  

दुर्घटनामा ६९ वर्षीया कल्पन्ना परियार घाइते भएकी छन्। उनको धनगढीस्थित सेती प्रादेशिक अस्पतालमा उपचार भैरहेको प्रहरीले जनाएको छ ।घटनाका बारेमा प्रहरीले थप अनुसन्धान गरिरहेको जनाएको छ ।