धनगढी उप–महानगरपालिकामा होम क्वारेन्टिनमा बसेकी आमाछोरीमा कोरोना पुष्टि भएको छ। धनगढी प्रयोगशालामा भएको परीक्षणमा आईतवार ७६ बर्षीय आमा र ५६ बर्षीय छोरीमा कोरोना पुष्टि भएको हो। उनीहरु धनगढी उप–महानगरपालिका वडा नम्वर ८ का हुन्।

‘भारतको बेङग्लोरबाट १८ दिन अगाडि आएका उनीहरु होम क्वारेन्टिनमै बस्दै आएका थिए,’ वडा नम्वर ८ का अध्यक्ष नारायन बरालले भने, ‘कोरोना पुष्टि भएपनि दुबै जनामा लक्षण देखाएको छैन्। घरमै सुरक्षित बसन आग्रह गरेका छौ।’