धनगढीको एक कृषि तथा पशुपंक्षी फर्ममा आगलागी भएको छ । धनगढी उपमहानगरपालिका १३ एकता टोलमा रहेको जंगबहादुर चौधरीको सुदूरपश्चिम कृषि तथा पशुपंक्षी फर्ममा आगलागी भएको हो ।

हिजो साँझ अचानक विद्युतको तार सर्ट भएर आगलागी भएको बताइएको छ । आगलागीबाट फर्मभित्र रहेका ब्रोईलर कुखुराका चल्ला, दाना, भुसा, चारो खुवाउने भाँडा लगायतका सामानसहित छ लाख बराबरको धनमाल जलेर नष्ट भएको जिल्ला प्रहरी कार्यालय कैलालीले जनाएको छ ।

प्रहरी, स्थानीय र दमकलको सहयोगमा आगो नियन्त्रणमा लिइएको र आवश्यक अनुसन्धान गरिरहेको प्रहरीले जनाएको छ ।