बझाङका दुई बालक बेपत्ता भएका छन् । केदारस्यूँ गाउँपालिका–८ सुकानाउलाका जयभान बोहराका आन्दाजी १२ वर्षीय छोरा राहुल र ९ वर्षीय राकेश घरबाटै बेपत्ता भएका हुन् ।

मंगलवार दिउँसो घरमा कोही नभएको बेला उनीहरु बेपत्ता भएका बताइएको छ । जयभान र उनकी श्रीमती शान्ति विगत ४ वर्षदेखि रोजगारीको सिलसिलामा भारतको ब्याङ्लोरमा बस्दै आएका छन् । राहुल र राकेशलाई विद्यालय पढाउनका लागि घरमै जेठी आमा सिमचडी बोहरासँग राखिएको छ ।

जेठी आमा घरको कामले बाहिरी गएको बेला घरबाट उनीहरू बेपत्ता भएको बताइएको छ। उनीहरूलाई कसैले देखे ९७४६३२७०१९ सम्पर्क गरिदिन आग्रह गरिएको छ।