कञ्चनपुरको कृष्णपुर नगरपालिका-७ कलुवापुरबाट लागुऔषध खैरो हिरोइनसहित दुई जना पक्राउ परेका छन् । सोही ठाउँका १९ वर्षीय नसिव राना र २२ वर्षीय विजय राना बिहीबार पक्राउ परेका हुन् ।

उनीहरुलाई ०.८१ ग्राम लागुऔषध खैरो हिरोइनसहित पक्राउ गरिएको प्रहरीले बताएको छ । इलाका प्रहरी कार्यालय रैकवारबाट खटिएको प्रहरी टोलीले खानतलासी गर्दा नसिवको घरबाट खैरो हिरोइन फेला पारी दुबै जनालाई पक्राउ गरेको जिल्ला प्रहरी कार्यालय कञ्चनपुरले जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।