सुदुरपश्चिम प्रदेशका अधिकांश स्थानहरुमा बर्षा भईरहेको छ । कैलाली र कञ्चनपुरका अधिकांश स्थानमा सोमवार रातिदेखि बर्षा भईरहेको छ । पहाडी जिल्लाहरुमा भने केही दिनदेखि निरन्तर बर्षा भईरहेको छ । 

मौसम पुर्वानुमान महाशाखाका अनुसार मनसुनी वायुको प्रभाव रहेकोले पश्चिम तराईमा बर्षा भईरहेको हो । हाल मौसममा सामान्य बदली रही सुदूरपश्चिम प्रदेशका केही स्थानहरुमा हल्का वर्षा भईरहेको महाशाखाले जनाएको छ ।

महाशाखाले साधारणतया मौसम बदली रहने जनाएको छ। देशका धेरैजसो स्थानहरुमा मेघगर्जन, चट्याङ सहित हल्कादेखि मध्यम वर्षाको सम्भावना रहेको छ । साधारणतया बदली रही देशका धेरै जसो स्थानहरुमा मेघगर्जन, चट्याङ सहित हल्कादेखि मध्यम वर्षाको सम्भावना रहेको महाशाखाले जनाएको छ । सुदूरपश्चिम प्रदेशका एक वा दुई स्थानहरुमा भारी वर्षाको सम्भावना रहेको महाशाखाको अनुमान छ ।