नेपाल प्रिमियर लिग एनपीएलमा सुदूरपश्चिम रोयल्सले विराटनगर किंग्सलाई १८३ रनको लक्ष्य दिएको छ । कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा सुदूरपश्चिमले पूरै ओभर खेलेर ७ विकेटको क्षतिमा १८२ रन बनाएको हो । सोमबार जनकपुर बोल्ट्सविरुद्ध कर्णाली याक्सले बनाएको १४१ रन नै उच्च स्कोर थियो ।

सुदूरपश्चिमका कप्तान दीपेन्द्र सिंह ऐरीले अविजित ५७ रन बनाए । इशान पाण्डेले ३८, ब्राण्डन म्याकमुलन ३६, विनोद भण्डारी २३, सैफ जैब १४, स्कट कुग्गेलिजनले १०, आरिफ शेख ९, र अमित श्रेष्ठ १ रनमा आउट भए ।

विराटनगरका लागि अनिल खरेलले ३ तथा क्रिस सोल, इस्मात आलम र बसिर अहमदले १–१ विकेट लिए । प्रतिउत्तरमा विराटनगर व्याटिङ गरिरहेको छ । उसले निकै खराब व्याटिङ गरिरहेको छ । 

टस जितेर विराटनगरले पहिले बलिङ रोजेको हो ।

Edit Ad