सरकारले छोटो दुरीका सार्वजनिक यातायातका साधन सञ्चालन गर्न दिने निर्णय गरेपनि सुदूरपश्चिममा सञ्चालन गरिएका छैनन् । मन्त्री परिषद्को पछिल्लो बैठकले सिट क्षमताको बढीमा आधा यात्रु राखेर छोटो दुरीको यातायात सञ्चालन गर्न दिने निर्णय गरेकोमा सुदुरपश्चिम प्रदेशमा तत्कालका लागि यातायात सञ्चालन गर्न नसकिने यातायात व्यवसायीले बताएका छन् । 

सरकारबाट बैंक किस्ता, ब्याज र अन्य राहतको व्यवस्था नभएकोले तत्काल छोटो दुरीका सवारी साधन सञ्चालन गर्न नगरिएको सुन्दर सुदूरपश्चिम यातायात प्रालिका अध्यक्ष पदम सापकोटाले बताए ।  नेपाल यातायात व्यवसायी राष्ट्रिय महासंघले कोरोना महामारीपछि जारी लकडाउनले बन्द अवस्थामा रहेको सार्वजनिक यातायात सेवा सञ्चालनको मोडालिटी तयार पारी सरकारसँग छलफल गरिरहेका बेला सरकारले एकलौटी निर्णय गरेको व्यवसायीहरुको आरोप छ । 
 

Edit Ad