कैलाली र कञ्चनपुरबाट प्रहरीले लागू औषध सहित ४ जनालाई पक्राउ गरेको छ । आइतबार कञ्चनपुुरको भीमदत्त नगरपालिका र कैलालीको टीकापुरबाट लागू औषध सहित ४ जना पक्राउ परेका हुन ।
भीमदत्त नगरपालिका – ३ भाँसीबाट पक्राउ पर्नेमा ३० वर्षीय टेक राज जोशी रहेका छन । उनको साथबाट ०।१४ ग्राम लागू औषध खैरो हेरोइन बरामद गरिएको प्रदेश प्रहरी कार्यालय धनगढीले जनाएको छ ।
यस्तै आइतबार नै भीमदत्त नगरपालिका – ६ त्रिवेणी चोकबाट २३ वर्षीय राहुल डगौरा र बर्ष २५ को सञ्जु डगौरा पक्राउ परेका छन । दुवै जनाको साथबाट ०।३८ ग्राम लागू औषध खैरो हेरोइन जस्तो देखिने धुलो पदार्थ बरामद गरिएको प्रहरीको भनाइ छ ।
कैलालीको टीकापुर नगरपालिका – ९ खक्रोलाबाट टीकापुर नगरपालिका – ६ नारायणपुर २० वर्षीय बिशाल चौधरी पक्राउ परेका छन । उनको साथबाट १ ग्राम ९४० मिलिग्राम लागू औषध खैरो हेरोइन जस्तो देखिने धुलो पदार्थ बरामद गरिएको प्रहरीले जनाएको छ ।
सम्बन्धित वर्गका समाचारहरू
