धनगढीबाट चाँदीका गरगहनासहित एक जना भारतीय नागरिक पक्राउ परेका छन् । जिल्ला प्रहरी कार्यालय कैलालीले भारतको सुडा बजार घर बताउने ३२ वर्षीय हरिलाल रानालाई पक्राउ गरिएको जानकारी दिएको छ ।

रानालाई भारतबाट नेपाल आइरहेका बेला धनगढी उपमहानगरपालिका–१०, सिमलघाटबाट पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरीक्षक राजकुमार सिंहले जानकारी दिएका छन् ।

रानाको साथबाट तीन किलो ३७० ग्राम चाँदीका अवैध गरगहना बरामद गरिएको प्रहरीले जनाएको छ ।