डडेल्धुरामा खानेपानीको विषयमा विवाद हुँदा भएको झडपमा एक बालकको मृत्यु भएको छ । आलिताल गाउँपालिका वडा नम्बर ६ मा खानेपानीको विषयमा विवाद भई भएको झडपमा परी घाईते भएका बालकको मृत्यु भएको प्रहरीले जनाएको छ ।

झडपमा परी आलिताल गाउँपालिका  ६ को भौनाका गणेश महरका १२ वर्षीय छोराको मृत्यु भएको हो । उनको धनगढी स्थित सारथी अस्पतालमा उपचारका क्रममा मृत्यु भएको प्रहरीले जनाएको छ ।

घटनामा संलग्न रहेका चार जनालाई पक्राउ गरी अनुसन्धान थालिएको जिल्ला प्रहरी कार्यालयका प्रमुख प्रहरी नायब उपरिक्षक दधीराम न्यौपानेले बताए ।