अछाममा कोरोना संक्रमित वडाध्यक्षले कोरोना जितेका छन् । साँफेबगर नगरपालिका वडा नम्बर ११ का वडाध्यक्ष गणेशबहादुर खड्काले १४ दिनमा कारोना जितेका हुन् । जेठ १६ गते पिसिआर परीक्षणका क्रममा कोरोना पुष्टि भएका वडाध्यक्ष खड्काको शनिबार रिर्पोट नेगेटिभ आएको हो ।
कोरोना संक्रमण निको भएपछि वडाध्यक्ष खड्काले मनोबल उच्च राखेमा कोरोनालाई परास्त गर्न सकिने प्रतिक्रिया दिएका छन् । कोरोनाको आशंका लागेपछि तुरुन्त परिक्षण गर्न तथा सावधानी अपनाउनुपर्ने सुझाव समेत वडा अध्यक्ष खड्काकोे रहेको छ ।
उनले कोरोना संक्रमणका बेला मनोबल उच्च राख्न प्रेरित गर्ने सबैलाई धन्यवाद दिदै विश्वव्यापी महामारीका रुपमा फैलिएको कोरोनाबाट बच्न सर्तकता अपनाउन समेत आग्रह गरे । वडाध्यक्ष खड्का सहित स्वास्थ्य चौकीका ल्याब असिस्टेन्ट लगायत देवीस्थानका अन्य १६ जनाले समेत कोरोना जितेका हुन् ।
भारतबाट आएका देविस्थानका नागरिकलाई व्यवस्थापन कार्यमा जुटेका वडाध्यक्ष खड्का र कोरोना परिक्षणका लागि स्वाब संकलनमा खटिएका ल्याब असिस्टेन्टलाई असार १६ गते कोरोना संक्रमण पुष्टि भएको थियो ।
सम्बन्धित वर्गका समाचारहरू
