कर्णाली नदीमा हाम फालेका एक जना बेपत्ता भएका एक जना युवक अझै फेला परेका छैनन् । कैलालीको लम्कीचुहा नगरपालिका ३ को कामेश्वर मन्दिर पूर्वतर्फ कर्णाली नदी किनारबाट हाम फालेर एक जना बेपत्ता भएका थिए । उनको खोजी कार्य जारी रहेपनि अहिलेसम्म नभेटिएको प्रहरीले जनाएको छ ।

शनिबार स्थानीयले नदीमा हाम फालेको देखेपछि प्रहरीलाई खबर गरेका थिए । ती व्यक्ति कर्णालीमा पसेको ठाउँबाट अछाम बाजपानी २ ठेगानाको ६२ का सर्पे जैशीको नामको नागरिकता सहित झोला, जुत्ता र कपडा फेला परेको कैलालीका प्रहरी नायब उपरीक्षक प्रतीक विष्टले बताए ।

उनको खोजी कार्य भइरहेको छ । कर्णालीमा पानीको बहाव बढेको र धमिलो पानी रहेकाले खोजीमा कठिनाइ रहेको विष्टले जानकारी दिए ।