कञ्चनपुरमा मोटरसाइकल दुर्घटना हुँदा एक जनाको मृत्यु भएको छ भने तीन जना घाईते भएका छन । पूर्वपश्चिम राजमार्गमा अन्तर्गत कृष्णपुर नगरपालिका वडा नम्वर ५ मा से ५ प २१४४ नम्वरको मोटरसाईकल र म १ प ७५५७ नम्वरको मोटरसाईकल ठोक्किदा एक जनाको मृत्यु भएको हो ।
म १ प ७५५७ नम्वरको मोटरसाईकलमा सवार कृष्णपुर नगरपालिका वडा नम्वर ४ का ६० बर्षीय पदमराज भट्टको मृत्यु भएको जिल्ला प्रहरी कार्यालय कञ्चनपुरका प्रहरी नायव उपरिक्षक अमरवहादुर थापाक्षेत्रीले जानकारी दिए । सोही मोटरसाईकलका चालक राजेन्द्र भट्ट पनि गम्भीर घाईते भएका छन ्। उनको कोहलपुर मेडिकल कलेजमा उपचार भईरहेको प्रहरी नायव उपरिक्षक थापाक्षेत्रीले बताए ।
उनका अनुसार से ५ प २१४४ नम्वरको मोटरसाईकलमा सवार कृष्णपुर नगरपालिकाकी देवकी ठगुन्ना पनि घाईते भएकी छिन् । उनको धनगढीमा उपचार भईरहेको छ भने सोही मोटरसाईकलका चालक धनवहादुर ठगुन्नालाई प्रहरीले नियन्त्रणमा लिएको छ ।
सम्बन्धित वर्गका समाचारहरू
