कैलालीका एम्बुलेन्स चालक रमेश मल्लको मृत्यु भएको छ । विगत १० वर्षदेखि अत्तरिया क्षेत्रमा एम्बुलेन्स चलाउँदै आईरहेका चालक मल्लको उपचारका क्रममा मृत्यु भएको हो ।

गत असार ७ गते आफ्नै घरको छतबाट लडेर घाईते भएका मल्लको उपचारका क्रममा बुधबार ललितपुरमा मृत्यु भएको हो । धनगढी तथा नेपालगञ्जमा उपचार सम्भव नभएपछि उनलाई ललितपुरमा रहेको मेडिसिटी अस्पतालमा भर्ना गरिएको थियो ।

उपचारका क्रममा करिब २० लाख भन्दा बढी खर्च भएपछि रकम अभावले उपचारमा समस्या देखिन थालेको भन्दै स्थानीय युवाहरुले मल्ललाई बचाउन अभियान सञ्चालन गरेका थिए । सामाजिक कार्यमा अग्रसर रहने मल्लको उपचारका लागि भन्दै स्थानीय युवाहरुले दुई दिनको अवधिमा करिब डेढ लाख रुपैँया संकलन गरी पठाएका थिए ।