भारतबाट आज बिहान १६ जना महाकाली नदी पारी रहेको  कञ्चनपुरको महाकाली नगरपालिका भएर नेपाल प्रवेश गरेका छन् । उनीहरु भारतको खटिमाबाट जोगबुढा नदी तरेर नेपाल प्रवेश गरेका हुन् ।

दुईदेशमा कोरोना रोकथामका लागि जारी लकडाउनका कारण लामो समयदेखि भारतमा अलपत्र परेका नेपालीहरु आज लकडाउनकैबीच नेपाल प्रवेश गरेका हुन् । नेपाल प्रवेश गर्ने १६ जनामा दुई जना कैलाली, दुई जना बाँके र अन्य महाकाली नगरपालिका बासिन्दा रहेका छन् । 

उनीहरु यतिबेला महाकाली नगरपालिका ३ जामुना भाडी नजिकै दशगजामा छन् । प्रशासनले आवश्यक तयारीपछि मात्र उनीहरुलाई नेपाल जिल्लाभित्र प्रवेश गर्न दिने बताईएको छ ।