कञ्चनपुरमा मोटरसाईकल दुर्घटना हुँदा घाईते भएका युवकको उपचारका क्रममा मृत्यु भएको छ । कृष्णपुर नगरपालिका वडा नम्बर २ मा शुक्रबार राती भएको मोटरसाईकल दुर्घटना हुँदा घाईते भएका २६ वर्षीया विष्णु रोकायाको उपचारका क्रममा धनगढीमा मृत्यु भएको हो ।

शुक्रवार राती म २ प २५५१ नम्बरको मोटरसाईकल र साईकल ठोक्किदा रोकाया सहितका चार जना घाईते भएका थिए । रोकाया साईकलको पछाडी सवार थिए । उनका उपचारका क्रममा धनगढीको माया मेट्रो अस्पतालमा मृत्यु भएको जिल्ला प्रहरी कार्यालय कञ्चनपुरका प्रवक्ता प्रहरी नायब उपरिक्षक अमरबहादुर थापा क्षेत्रीले बताए ।

यस्तै दुर्घटनामा घाईते भएका पञ्चेश्वरका  मोटरसाईकल चालक २८ वर्षीय सुरेन्द्र धामीको कोहलपुरमा उपचार भईरहेको छ भने पछाडी सवार उपचारपछि डिस्चार्ज भईसकेका छन ।